Мешавад?

Мешавад андӯҳҳоро шодӣ кард?
Шодиҳоро сарфи як ободӣ кард?

Дар канори боғҳои хотирам,
Гулбуни ёди туро шамшодӣ кард?

Мешавад ширинии таъми лабат,
Вояе дар кулчаи қаннодӣ кард?

Дар шамоли ғуссаҳои пойизам,
Гандуми зулфи шуморо бодӣ кард.

Мешавад бо теғи абрӯи шумо,
Бар дили мо ҳамлаю ҷаллодӣ кард!

Ҳолиё дар Бесутуни Ширине,
Мешавад бо Хусраве фарҳодӣ кард?

Кош мешуд соли фавти ғуссаро,
Дуҳазору сездаҳ (мелодӣ) кард.

© Душанбе. 23 октябри соли 2013

Добавить комментарий

Ваш e-mail не будет опубликован. Обязательные поля помечены *