Ту паршикастаӣ…

Эй мурғаки дар шохае музтар нишастаам,
Ту паршикастаӣ, ман пар шикастаам.

Дар лонаат мусибати ҳарфи муҳаббате,
Аз дони доми макрҳо дуртар наҷастаам,

Гаштам асири нағмаи савти хушат шабе,
Аз банди сеҳри нолаат дигар нарастаам.

Дастам бурида бод, ки болат буридаам,
Бар рӯи хуби хуби ту ман дар набастаам.

Аз тирамоҳи рафтанат то фасли бозгашт,
Сарро ба роҳат додаву бе сар нишастаам…
© Душанбе. 23.11.2014

Comments are closed.