Наъузамбиллоҳ!

Posted by shuhrat on

Ҳарзагӯӣ шуда гуфтор, наъузамбиллоҳ,
Куфр дар кӯчаву бозор, наъузамбиллоҳ.

Аз мусулмонии мо монда кунун,
Риш як дарзаву дастор, наъузамбиллоҳ!

Ходими дини Худо гуфт ба халқ: —
Буттаро сахт нигаҳ дор, наъузамбиллоҳ!

Мурдаҳо фикри қиёмат доранд*,
Мегурезанд зи сари дор, наъузамбиллоҳ!

Иддае даъвии мардӣ доранд,
Даст дар нофаи эзор, наъузамбиллоҳ!

Аз ҳамин мардумакони номард,
Боядам гуфт ба такрор наъузамбиллоҳ!

_______

* Маънӣ аз Бедил

Categories: Салом.

Ману андешаҳоям