Фавқулода

Posted by shuhrat on 22/10/2013

Ба чашми ман ту фавқулода ҳастӣ,
Шабеҳи чашмае озода ҳастӣ.

Ба он лабҳои нозук зери дандон,
Чу гавҳар аз садаф накшода ҳастӣ.

Тамоми рӯзу шаб чашмам, ки бандам,
Худоё, рӯ ба рӯ истода ҳастӣ.

Ту фавқулода, лекин сода ҳастӣ.
Ба доми чун мане афтода ҳастӣ.

Ба поят дил бирезад халқи олам,
Валекин ту ба ман дил дода ҳастӣ.

Ба он шаҳре, ки Шуҳрат шуд гадояш,
Ту шояд охирин шаҳзода ҳастӣ.

© Душанбе. 20 октябри соли 2013

Categories: Салом.

2 Responses to Фавқулода

  1. Ачиб
    22/10/2013 at 14:04

    Ин замон Шахзодахо арзиш ва кадр надоранд

  2. shuhrat
    22/10/2013 at 14:45

    Кушед ин замонаро, ки мекушад таронаро…