Нолае чун савти ширини шакарноям мудом,
Кўлбори раҳ ба пушту дар сафар поям мудом.
Тақдире ҳамчун асои кӯр дорам доимо,
Мебарам ҳар кас ба манзил, пушти дарҳоям мудом.
Як диле чун шишаи фонус дорам дар бағал,
Тарси аз пуф мурданеро ҳар саҳар поям мудом.
Ғайрате чун ғайрати як гурги пир бояд маро,
Устухоне дар кафи худ бехатар хоям мудом.
Фикри ман аз нутфаи ғамҳои ту обастан аст,
Норасида солу моҳаш шеъри тар зоям мудом.
Шӯҳрат ин андешаро к-аз сар бурун ору бигӯ,
Баъд аз ин дар кӯчаи ту бехабар н-оям мудом.
Categories: Салом.
Загрузка ...