Шабе дар бистари нарми хаёлам,
Канори ҳам нишаста то саҳар шод,
Ману Ту дасти ҳам бигрифта гуфтем,
Худо моро барои ҳамдигар дод.
Саҳар аз кулбаи гарми хаёлам,
Ҷудоӣ рафтанат бар ман хабар дод.
Ману Ту чашми ҳам бўсида гуфтем,
Ки чашми бад баромон бехатар бод.
Ба шоме дар ибодатгоҳи ёдам,
Намози шукри ишқ аз худ асар дод.
Ману Ту дар дуои хеш гуфтем,
Худоё, рўи ғам дар пушти сар бод.
Дубора дар хиёбони хаёлам,
Гули ёдат вуҷудамро самар дод.
Ману Ту раҳ ба раҳ рафтему гуфтем,
Раҳи мо то ҳамеша ҳамсафар бод.
12.09.2012
Categories: Салом.
Загрузка ...