Дидаед марде сигорӣ
Дасти ғам андар кафи даст,
Дар хиёбони дарози бекасӣ
Меравад бешўру пуршаст…
… Ин ҷавонии ман аст…
Дидаед шаҳре, ки холӣ
Аз нидои ошиқон аст?
Дар хиёбонаш гуле нест,
Кишвари дилмурдагон аст…
… Зиндагонии ман аст…
Дидаед дарёи хушке
Шўриши сад баҳр дорад?
Мезанад сарро ба соҳил,
Мавҷҳояш қаҳр дорад…
… Қаҳрамонии ман аст…
Дидаед як гурги танҳо
Дар сари санге нишаста?
Рў ба сўи осмонҳо
Нолааш дар лаб гусаста…
… Безабонии ман аст…
Categories: Салом.
Загрузка ...