Эълон

Posted by shuhrat on 05/10/2013

На ҳама ғунча, ки зеби чаман аст,
Лоларо ҷой ба дашту даман аст.

Ҳар куҷо зиндагӣ хуштар гузарад,
Мутмаин бош, ки он ҷо Ватан аст!

Дили ошиқ хабар аз ёраш ҳаст,
Гар ба Бағдод ва ё дар Яман аст.

Кардам эълон, ки канорам холист,
Ҷойи як дилбари симинзақан аст.

Шеъри ман гимни муҳаббат шудааст,
Дар сари сӯҳбати ҳар анҷуман аст.

Оҳ, агар ҳар кӣ бихонад ғазалам,
Гӯяд аз Шуҳрати ширинсухан аст.

© Душанбе. 14 сентябри соли 2013

Categories: Салом.
Метки: , , , , , , .

2 Responses to Эълон

  1. Дилрабо
    11/10/2013 at 14:03

    Дили ошиқ хабар аз ёраш ҳаст,
    Гар ба Бағдод ва ё дар Яман аст.

  2. shuhrat
    13/10/2013 at 12:05

    Рӯзҳо фикри ман ин асту ҳама шаб суханам,
    Ки чаро дил ба ҷигаргӯшаи мардум додам.