Cӯхт

Posted by shuhrat on 03/08/2013

Ошиқи бечора аз ғамҳои ҳиҷрон сӯхт, сӯхт.
Рӯзадорон, дидагирён, синабирён сӯхт, сӯхт.

Дар тавони ман набуд оташ задан бар ҷони кас,
Ишқ оташ гашту ҷони нотавонон сӯхт, сӯхт.

Бо худам гуфтам, ки фардо офтобӣ мешавам,
Абри ҳисам чун ҳавои баъди борон сӯхт, сӯхт.

Баргаи бурде ба дастам даррасиду боз ҳам,
Норасида навбати ман давру даврон сӯхт, сӯхт.

Хотирам чун донаи зуннор аз ҳам пора кард,
Каъбаи ёди маро он номусулмон сӯхт, сӯхт.

Дар дуо гуфтам, ки шаҳри бевафоён даргирад,
Дастро бар рӯ кашидам Тоҷикистон сӯхт, сӯхт.

Дӯстонам, маъзарат, шояд шуморо бовар аст,
Ин ки, Шуҳрат аз дуову оҳи ҷонон сӯхт, сӯхт.

© Душанбе 24.07.2013

Categories: Салом.
Метки: , , , , , , , .

4 Responses to Cӯхт

  1. эшонбобо
    04/08/2013 at 10:52

    Офарин ва боз хам офарин!

  2. shuhrat
    04/08/2013 at 11:23

    Саломат бошеду офтобӣ, дустам!

  3. Бону
    17/10/2013 at 13:15

    Баргаи бурде ба дастам даррасиду боз ҳам,
    Норасида навбати ман давру даврон сӯхт, сӯхт.

  4. shuhrat
    17/10/2013 at 17:57

    Ширин! Фиғони тешаи Фарҳод шуд тамом,
    Роҳат бирав ба бистари Парвиз то ба субҳ.