Боғигул дар даст гул, гул дар баногӯш омада,
Лаб чу гул, мӯ дастагул, гул дар бари рӯш омада.
Ханда гул, хамёза гул, дар нозукӣ чун ғунчагул,
Бӯй гул, абрӯй гул, бо гул ҳамоғӯш омада.
Боғи гул аст Боғигул, сар то ба пояш мисли гул,
Боғбони гул шавам чун сина дар ҷӯш омада.
Аз забонаш шабнами гул метаровад Боғигул,
Шарбате дар косагул аз нешу аз нӯш омада.
Шаҳри Шуҳрат боғи гул, маъвои гул, дунёи гул.
Боғигул аз баҳри гул бар шаҳри мо хуш омада.
Categories: 
Метки: 
Загрузка ...