Ӯву борон

Posted by shuhrat on 08/06/2013

Духтаре, ки дӯст медорам зиёд,
Мерасонад бӯйи боронро ба ёд.
Ҳар гаҳе аз кӯчамон ӯ бигзарад,
Эй Худо, як осмон борон биёд.

Гесувонаш чун парешон мекунад,
Атри мӯяш бӯйи борон мекунад.
Кокулони зериборонмондааш
Баъди борон кӯчарӯбон мекунад.

Қатраҳо аз оби борони баҳор,
Метаровад аз сари зулфаш қатор.
Дастафшон карда мегӯяд: — Худо
Боз борон бору борон ору бор.

Ӯву борон ҳарду эъҷози Худо,
Ӯву борон ҳамчу ду дилдодаҳо.
Аз сару дӯшаш ба ҳисси ошиқӣ,
Оби борон метаровад то ба по.

© Душанбе, 26.05.2013

Categories: Салом.
Метки: , , , , , , , .

2 Responses to Ӯву борон

  1. Шерзод
    11/07/2013 at 10:11

    Аз «Уву борон» илхомам омад ва инро бо забони узбеки сурудам:
    «Осмонни кора булут коплаб,
    Килич ушлаб чакмок югурди.
    Йигит ва киз ёмгирдан кочиб,
    Зурга тол остига улгурди.
    Киз ошикар кеч колдим жуда,
    Ёмгир мунча авжга минмаса.
    Йигит сузлар, ошиклик шу да,
    Менга колса ёмгир тинмаса!»
    Ташаккур!

  2. shuhrat
    14/07/2013 at 15:54

    Салом Шерзод!
    Забони сурудаатонро намефахмам, аммо бовар дорам, ки зебо гуфта шудааст. Хаста набошед!